انتظامیہ

ڈاکٹر مفتی عصمت اللہ نے اپنا پی ایچ ڈی کراچی یونیورسٹی سے مکمل کیا اور اسلامی فقہ اور فتویٰ میں اپنا تخصص (اسپیشلائزیشن) جامعہ دارالعلوم کراچی سے کیا۔ وہ یہاں مختلف کورسز کی تدریس کا وسیع تجربہ رکھتے ہیں۔ وہ دارالعلوم کراچی میں فتویٰ ڈپارٹمنٹ (دارالافتایٰ) میں 15سال سے زائد عرصے تک کام کرچکے ہیں۔
آئی جی آئی لائف- ونڈو تکافل آپریشنز میں شریعہ ایڈوائزر ہونے کے ساتھ وہ پاک قطر فیملی تکافل لمیٹڈ اور پاک قطر جنرل تکافل لمیٹڈ میں بحیثیت شریعہ ایڈوائزر اور بینک الحبیب کے اسلامی بینکنگ ڈویژن میں بطور چیئرمین شریعہ ایڈوائزری بورڈ، حبیب ایسیٹ فنڈ (اسلامی فنڈ) کے شریعہ ایڈوائزر اور عسکری اسلامی بینکنگ میں شریعہ بورڈ کے ممبر کی حیثیت سے بھی خدمات انجام دے رہے ہیں۔
مفتی عصمت اللہ اسلامی معاشیات بالخصوص تکافل کے شعبوں میں تحقیقی خدمات انجام دیتے رہے ہیں۔ وہ پاکستان بھر کے مختلف اداروں میں اسلامی فلاسفی، اسلامی بینکاری، فنانس اور تکافل کے عنوانات پر لیکچرز دے چکے ہیں۔

ڈاکٹر بخت جمال شیخ- سربراہ ونڈو تکافل آپریشنز

ڈاکٹر بخت جمال شیخ نے فروری 2015میں تکافل کے سربراہ کی حیثیت سے کمپنی کے تکافل ونڈو آپریشنز چلانے کے لئے کمپنی میں شمولیت اختیار کی۔ ان کا کیریئر میڈیسن، لائف انشورنس کے شعبوں میں 28سال پر محیط ہے اور 7سال فیملی تکافل بزنس میں خدمات انجام دیں۔ ماضی میں وہ سی او او، دائود فیملی تکافل لمیٹڈ بمقام کراچی، ہیڈ آف آپریشنز، اسٹیٹ لائف خلیج بمقام دبئی اور ریجنل انڈرر ائٹر۔ اسٹیٹ لائف سائوتھ ریجن بمقام کراچی میں ذمے داریاں نبھا چکے ہیں۔ ڈاکٹر جمال ایم بی بی ایس ڈگری کے حامل ہونے کے ساتھ لائف مینجمنٹ انسٹیٹیوٹ سے ماسٹر بھی ہیں۔

مفتی محمد حنیف- شریعہ کمپلائنس آفیسر
مفتی محمد حنیف نے اپنا شہادت العالمیہ (اسلامک اسٹیڈیز اور عر بی میں ماسٹر ڈگری) اور التخصص فی الافتاء (اسلامی فقہ میں اسپیشلائزیشن) جامعہ دارالعلوم کراچی میں مکمل کی۔ وہ قرآن پاک، حدیث اور اسلامی فقہ میں مختلف تدریسی کورسز میں بہترین تجربے کے حامل ہیں۔ وہ فتویٰ ڈپارٹمنٹ میں بھی پانچ سال سے زائد عرصے تک کام کرچکے ہیں۔
وہ اسلامی فنانس بالخصوص روایتی سیٹ اپ کی حامل کمپنیوں کی شریعہ پر مبنی اداروں میں منتقلی میں خصوصی دلچسپی رکھتے ہیں۔